Gusto kitang mahalin ng malaya-
malayang bumuo
ng tahanang
walang pangamba at sumbat
sa bawat palitan ng araw at buwan.
Gusto kitang mahalin ng malaya-
malayang sumayaw
sa tunog ng pag-ibig at kamalayan sa buhay
hanggang sa limot na
ang baybay ng ating mga ngalan.
Gusto kitang mahalin-
kahit hindi malaya,
kahit walang pangako ng isang simula,
kahit walang katiyakan ang pagtatagpo ng ating pagsinta.
At sa kabila ng lahat ng kahit,
nandoon ako-
malaya.
